Om Laksens Dag
Nest siste helga i juni kvart år, går arrangementet Laksens Dag av stabelen på laurdagen under Himmel og Hav Kystfestival i Florø.
Laksens Dag er ein folkeleg gatefestival for heile familien med sjømat, konsertar og gratis aktivitetar for både store og små, og vart arrangert første gong i 2010. Laksens dag er ein frivillig organisasjon. Styret består av personar frå havbruksnæringa lokalt i Florø.
Havbruksnæringa er fylkets største matprodusent, og havet, det våte element, er vår blå åker. Derfor er det viktig at Laks og aure som sunn og god råvare er i fokus denne laurdagen i juni. Laksens Dag er, ilag med Sildebordet på fredagen, den største sjømatfestivalen på Vestlandet. Laksens Dag har i snart 15 år hatt eit tett samarbeid med Norske kokkars Mesterlaug, og kokker frå heile fylket er til stades og serverar smaksprøver av spannande nykomponerte rettar.
Men vi vil også nytte denne helga til å vise fram alle dei spannande aktørane som utgjer havbruksnæringa og under Laksens Dag er dei til stades med båtar, stands, utstyr og aktivitetar.
Himmel og Hav Kystfestival: Denne helgen har vært festivalhelg i Flora svært mange år, og med Kinnaspelet, Sildebordet, Laksens Dag og konsertar i gata og på kveldane, så er denne helga i Florø ein fargerik og sjarmerande festivalhelg med eit mylder av aktivitetar, kultur og mat frå havet.
Velkommen til ein kjempekjekk dag for store og små i Florø.
